Cynhadledd y Gwanwyn

NEWI, Wrexham
10/03/2006 - 12/03/2006

The following are motions submitted by MIDR Cymru, a series of amendments to which have been tabled that will be available at conference.

Motions as follows:

Na i Ynni Niwclear yng Nghymru

Mae’r Gynhadledd yn mynegi ei phryder ynglŷn â’r canlynol:

1. Mae’r Llywodraeth Lafur yn San Steffan yn debygol o gomisiynu cenhedlaeth newydd o orsafoedd ynni niwclear ar draws y Deyrnas Unedig.
2. Mae adolygiad ynni Llywodraeth y DU, ‘Ein Her Ynni’ yn cynnwys ystyriaeth weithredol o genhedlaeth newydd o orsafoedd pŵer niwclear gan gynnwys rhai yng Nghymru.
3. Buasai penderfyniad ynglŷn â gorsaf bŵer niwclear yng Nghymru yn cael ei gymryd yn San Steffan ac nid yng Nghynulliad Cenedlaethol Cymru.

Mae’r Gynhadledd yn ail-gadarnhau ei chred fel a ganlyn:

1. Cryfhau cynhyrchu ynni adnewyddadwy ac effeithlonrwydd ynni yw’r mesurau allweddol wrth fynd i’r afael â’r newid yn yr hinsawdd.
2. Mae gan Gymru botensial o ran adnoddau a thirwedd i gyflwyno cynhyrchu ynni adnewyddadwy ar raddfa fawr.

Mae’r Gynhadledd yn galw am i:

1. Ddemocratiaid Rhyddfrydol Cymru yn San Steffan a’r Cynulliad Cenedlaethol fel ei gilydd i wrthwynebu unrhyw gynlluniau i gomisiynu gorsaf bŵer niwclear newydd yng Nghymru.
2. Bwerau i wneud penderfyniadau cynllunio ynglŷn â datblygiadau ynni sy’n cynhyrchu mwy na 50MW i’w datganoli i Gynulliad Cenedlaethol Cymru.

Micro-gynhyrchu

Mae’r Gynhadledd yn nodi fel a ganlyn:

1. Mae micro-gynhyrchu trydan yn dechnoleg brofedig, ac mae wedi bod o fudd eisoes i fusnesau a chymunedau ledled y DU.
2. Buasai micro-gynhyrchu yn caniatáu i gymunedau tlotach i gynhyrchu eu pŵer eu hunain, ac o bosibl, werthu unrhyw weddill yn ôl i’r Grid Cenedlaethol, a thrwy hynny, arbed arian., a gellid ail-fuddsoddi’r elw a gynhyrchwyd yn y gymuned.
3. Mae dulliau cynhyrchu ynni amgylcheddol-gyfeillgar megis haul a gwynt wedi’u treialu’n llwyddiannus ar y raddfa hon.
4. Mae llawer o gymunedau Cymreig yn rhai delfrydol ar gyfer gwneud defnydd o’r dechnoleg hon.

Mae’r Gynhadledd yn galw am y canlynol:

1. Gosod technolegau micro-gynhyrchu ym mhob adeilad dinesig.
2. Rhoi cymhorthdal tuag at y gost o osod technolegau micro-gynhyrchu priodol i gymunedau sy’n dymuno manteisio ar y technolegau hyn.
3. Pwerau ynglŷn â rheoliadau adeiladu i’w datganoli i Gynulliad Cenedlaethol Cymru; gyda golwg ar gyflwyno canllawiau ynglŷn ag effeithlonrwydd ynni ar gyfer pob annedd domestig newydd.